Lajmet e Fundit

UNIQA  AD  Shkup, Maqedoni e Veriut

Agjencia e Mbikqyrjes së Sigurimeve në Maqedoninë e Veriut ka publikuar raportin e të dhënave të tregut të sigurimeve për periudhën 01.01.2020-31.03.2020.

Sipas të dhënave zyrtare të Autoritetit Mbikqyrës UNIQA AD Shkup renditet në vend të shtatë në treg, përkatësisht me 7.7% të tregut, nga 11 kompani sigurimi që operojnë. E ndarë sipas fushës së sigurimeve, UNIQA Life AD renditet e treta në tregun vendas, ndërsa UNIQA Jo-Jetë renditet e shtata.
Krahasuar me të dhënat e fundit të raportuara nga Agjencia e Mbikqyrjes së Sigurimeve për vitin 2019, UNIQA Ad Shkup ka rënë me 2 pozicione në treg, përkatësisht nga vendi i peste që ishte ka zbritur në vend të shtatë. Ndërsa përqindja e tregut të UNIQA-s ka rënë nga 9.2% në 7.7%.

Ajo që vihet re është se tregu në tërësi dominohet nga sigurimet e detyrueshme të automjeteve, përkatësisht në sigurimin e detyrueshëm të automjeteve për përgjegjësinë ndaj palëve të treta, ajo që ndryshe njihet si sigurimi TPL.

Rrjetit të më shumë se 900 zyrave të kompanisë SIGAL UNIQA i shtohen zyra të reja, -Dega Nr. 2, në qytetin e Durrësit, përkatësisht: Në Bulevardin kryesor, Rruga Tregtare, pranë Bashkisë Durrës.
Pranë zyrave të reja, klientët e SIGAL UNIQA do të marrin të gjitha shërbimet, që nga blerja e të gjitha llojeve të siguracioneve e deri tek marrja e dëmshpërblimit, në rast aksidenti apo dëmtim prone, biznesi etj.
Më herët SIGAL UNIQA e zgjeroi sërish rrjetin e zyrave të saj në shërbim të klientëve në 2 pika strategjike të Tiranës, prapa Kullave Binjake në pallatin e ri Teknoprojekt – Dega Nr.2, dhe në Bulevardin Gjergj Fishta, në kompleksin Delijorgji – Dega Nr. 3.
SIGAL UNIQA Group Austria është kompania më e madhe e sigurimeve, me mbi 900 zyra në 3 shtete-SHQIPËRI-KOSOVË-MAQEDONI E VERIUT dhe më shumë se 1 milionë kontrata sigurimi.
E gjithë kjo falë BESIMIT TE KLIENTEVE, drejtimit të lidershipit dhe punës e përkushtimit të stafit.
ME BESIM DHE PERKUSHTIM, ECIM TE SIGURTE DREJT SE ARDHMES.

Grupi SIGAL UNIQA ka publikuar Raportin Vjetor për vitin 2019, të cilin e ka publikuar edhe në faqen zyrtare të kompanisë, sipas kërkesave edhe të Autoritetit Mbikëqyrës, me qëllim transparencën e plotë me publikun.
Sipas të dhënave zyrtare, grupi SIGAL UNIQA rezulton me rritje për vitin 2019, ku nga volumi i primeve shifrat shkojnë mbi 71 milionë euro prime për vitin 2019, nga rreth 66 milionë euro që ishte për vitin 2018. Ndërsa numri i kontratave i ka kaluar 1 milion kontrata në nivel grupi, me një rritje prej më shumë se 300 mijë kontrata në vit krahasuar me vitin 2018, ku numri i kontratave ishte rreth 711 mijë.
Numri i punonjësve gjiithashtu rezulton të jetë rritur në rreth 1600 ndërsa numri i zyrave shkon në rreth 1200.
Në raport pasqyrohen edhe aktivitetet dhe përgjegjësia sociale e SIGAL UNIQA-s, ku ndër të tjera mbështetja për artin, kulturën e sportin nuk mungojnë.
Raportin i plotë vjetor i kompanisë SIGAL UNIQA mund ta aksesoni në linkun e mëposhtëm:
https://sigal.com.al/wp-content/uploads/2020/07/raporti-vjetor-2020_final-shqip.pdf

Fondi i Pensioneve Private SIGAL ka publikuar Prospektin në faqen e tij zyrtare, ku çdo klient, individ apo institucion mund ta aksesojë dhe të marrë të gjithë informacionin që mund ti nevojitet.
Qëllimi i publikimit të Prospektit është që Fondi i Pensioneve SIGAL të jetë transparent me klientët dhe institucionet mbikqyrëse, si dhe tu japë një panoramë të qartë me informacione të vërteta rreth fondit dhe rreth përfitimeve, me qëllim që të jetë i qartë përpara se të vendosë të kontribuojë për pension privat tek SIGAL.
Sipas të dhënave edhe të Prospektit, Fondi i Pensioneve SIGAL është fondi më i madh në Shqipëri, i cili zotëron mbi 45% të tregut.
Në prospekt jepen informacione mbi përfitimet e pensionit privat, si dhe ku investohen kontributet e anëtarëve, banka bashkëpunuese e fondit, kuotat e secilit anëtar etj.
Kushdo që është i interesuar ta lexojë Prospektin e Fondit të Pensioneve Private SIGAL mund ta aksesojë në linkun e mëposhtëm:
https://fppsigal.com.al/publikime/

Bursa Shqiptare e Titujve (ALSE) në bashkëpunim me Shoqatën e Siguruesve të Jetës, Pensioneve dhe Fondeve të Invesimeve lançoi platformën e publikimit të të dhënave ditore të kuotave të investimeve dhe pensioneve private vullnetare.
Në takim morën pjesë përfaqësuesit e Fondeve të Pensioneve dhe Investimeve, kryetari i Bursës së Titujve, z. Artan Gjergji Kryetari i Autoritetit të Mbikqyrjes Financiare z. Ervin Mete si dhe kryetari i Shoqatës së Siguruesve të Jetës, Pensioneve dhe Fondit të Investimeve, z. Naim Hasa.
Në fjalën e tij z. Hasa theksoi rëndësinë e kësaj platforme, si një nga projektet më të rëndësishme në zhvillimin e tregjeve finaciare në Shqipëri, siç është publikimi online i të dhënave financiare të Fondeve të Pensioneve dhe ato të Investimit në Bursën Shqiptare.Aktiviteti u zhvillua në ambientet e Pallatit të Kongreseve, në sallën Ovale, ku ishin ftuar edhe mediat dhe grupet e interesit.
Zbatimi i këtij projekti do të mundësojë bashkëpunimin mes Institucioneve e kompanive të tregut të kapitaleve. Gjithashtu ky projekt ju vjen në ndihmë konsumatorit, pjesëmarrësve në këto tregje, duke rritur transparencën dhe edukimin financiar të tyre.

Me qëllim ofrimin e sa më shumë shërbimeve dhe për t’ju gjendur sa më afër klientëve të saj, SIGAL UNIQA Group Austria ofron shërbimin më të ri: Telefono një Mjek.
Cilido klient që blen një sigurim Shëndet në Udhëtim tek SIGAL UNIQA përfiton falas edhe shërbimin Telefono një Mjek.
Klientët do të kenë një aplikacion të instaluar në telefonin e tyre, nga ku mund të telefonojnë mjekun me zë ose edhe me figurë, dhe të këshillohen për problematikat shëndetësore që mund të ketë vetë individi ose famijarë të tij.
Në këto kohë të vështira që po jetojmë, klientët nuk kanë më nevojë të shkojnë nëpër spitale, por mund ta telefojnë mjekun 24 orë, kudo ku ata ndodhen dhe do të marrin këshilla mjekësore si dhe recetë për medikamente në rast se u nevojitet.
SIGAL UNIQA është gjithmonë një hap përpara në inovacion dhe punon çdo ditë për të siguruar dhe lehtësuar jetën e klientëve të saj.

Të dyja kompanitë, Jetë dhe Jo-Jetë tanimë ndodhen në Bulevardin Ilinden, Nr. 1 në Shkup.
Më herët zyrat e kompanisë UNIQA AD ishin pozicionuar në Bulevardin VMRO, Nr. 3.
UNIQA Shkup është pjesë e grupit SIGAL UNIQA Group, e themeluar nga Avni Ponari më 1999, grup i cili përbëhet nga 8 kompani sigurimi Jetë, Jo-Jetë, Fond Pensionesh dhe Risigurime, dhe që prej vitit 2002 kryeson tregun e sigurimeve në Shqipëri dhe pozicionohet shumë mirë edhe në tregun e Kosovës dhe Maqëdonisë së Veriut.
Grupi SIGAL UNIQA është pjesë e një prej grupeve më të mëdha të sigurimeve në Europë, UNIQA Group Austria, me seli në Vienë dhe operon në 16 shtete të Europës Qendrore-Lindore.

Si një kompani novatore, gjithmonë pararojë e zhvillimeve më të fundit teknologjike, SIGAL UNIQA po i kushton një rëndësi të veçantë sigurimit online, marrë në konsideratë që trendi i ri për blerjet po anon gjithmonë e më shumë drejt online.
Kjo filozofi po zbatohet për të gjitha kompanitë e sigurimit SIGAL UNIQA, në Shqipëri, Kosovë dhe Maqedoninë e Veriut, ku po punohet me ritme të shpejta në mënyrë që klientët të mund të aksesojnë blerjen online të të gjitha produketeve të sigurimeve.
Në këtë frymë, SIGAL UNIQA në Kosovë ka bërë të mundur që produkte të tilla si: Sigurimi i Jetës, Sigurimi i Jetës për kredi dhe Sigurimi TPL të blihen online aktualisht, ndërkohë që po punohet për produktet e tjera: Shëndet në Udhëtim, Sigurim Shëndeti, Sigurimi i Pasurisë, sigurimi Minikasko dhe Sigurimi për Leje-Qëndrim që gjithashtu të mund të blihen online nga klientët.
SIGAL UNIQA Kosovë ka realizuar edhe web live chat, ku klientët mund të shkruajnë në çdo kohë dhe të marrin informacionin që ju nevojitet.

UNIQA ka emetuar me sukses dy obligacione me një vëllim prej 800 milion € – 600 milion € për të financuar blerjen e filialeve AXA-s në Europën Qendore-Lindore dhe 200 milion € në një formë obligacionesh të gjelbërta.
UNIQA ka emetuar me sukses dy obligacione me një vëllim prej 800 milion € – 600 milion € për të financuar blerjen e degëve të AXA-s në Europën Qendore-Lindore dhe 200 milion € në një format të obligacioneve të gjelbërta. Kërkesa e investitorëve për ofertën ishte jashtëzakonisht e lartë për obligacionet e vjetra, më shumë se 5 herë, ndërsa për sigurimet e Green Tier II më shumë se 9 herë.
Blerja e kompanive AXA në Poloni, Sllovaki dhe Republikën Çeke për një çmim prej rreth një miliardë eurosh është investimi më i madh në historinë e UNIQA-s: “Me këtë blerje, UNIQA fiton rreth pesë milionë klientë, 2.100 të punësuar dhe 800 milion € prime çdo vit, duke na çuar lart në renditje, nga numri shtatë në numrin pesë në Evropën Qendrore dhe Lindore. Siç ishte planifikuar, tani kemi përfunduar financimin e çmimit të blerjes me një obligacion të vjetër prej 600 milion €,” tha Kurt Svoboda, Shefi i Financës dhe Menaxhimit të Riskut të Grupit të Sigurimeve UNIQA AG (UNIQA), duke komentuar mbi sfondin e kësaj çështjeje. “Interesi i fortë i treguar nënvizon besimin e investitorëve vendas dhe ndërkombëtarë në UNIQA.”

Një moment historik i rëndësishëm është shënuar për grupin UNIQA me blerjen e degëve franceze të AXA Group në Poloni, Republikën Çeke dhe Sllovaki. Komisioni Europian nuk ka gjetur ndonjë konflikt në lidhje me ligjin e konkurrencës dhe ka miratuar  blerjen e prozuar pa asnjë kusht.
“Blerja e synuar po procedon sipas planit. Duke iu referuar përfundimit me sukses të transaksionit fiananciar, aprovimi i Komisionit Europian na çon një hap më afër përfundimit final të këtij transaksioni, i cili është shumë i rëndësishëm për të gjithë grupin UNIQA”, ka komentuar CEO i UNIQA Group, Andreas Brandstetter.
Financimi i blerjes u sigurua në fillim të korrikut 2020 nga një bond me volum 600 milionë Euro.
Mbetet ende pezull miratimi i autoriteteve rregullatore të tregut në disa shtete. Mbyllja përfundimtare e këtij transaksioni pritet të ndodhë në tremujorin e katërt të vitit 2020. Nëse blerja rezulton e suksesshme, UNIQA do të rritet me rreth 5 milionë klientë, 2100 punonjës dhe 800 milionë euro prime vjetore si dhe do të përmirësojë renditjen e saj në treg, nga vendi i shtatë ku ndodhet aktualisht do të kalojë në vend të të pestë ne Europën Qendrore-Lindore.