Jetë + Dëmshpërblim: Siguria që e meritoni, kujdesi që zgjat

Në kohët kur pasiguritë shëndetësore po rriten dhe përballja me diagnoza të rënda është gjithnjë më e shpeshtë, të kesh një mbështetje të garantuar nuk është luks – është nevojë. Pikërisht për këtë, Sigal Kosova ofron sigurimin Jetë + Dëmshpërblim, një produkt i menduar për të mbështetur financiarisht dhe emocionalisht individët dhe familjet në momentet më sfiduese të jetës.

Çfarë mbulon Jetë + Dëmshpërblim?

Ky sigurim është krijuar posaçërisht për të përballuar pasojat e sëmundjeve të rënda. Ai ofron kompensim të menjëhershëm në cash në momentin e diagnostikimit të:

• Tumorit malinj invaziv në çdo pjesë të trupit
• Tumorit beninj në kokë, që kërkon ndërhyrje të specializuar

Ndryshe nga sigurimet tradicionale, Jetë + Dëmshpërblim nuk kërkon plotësim të kushteve të ndërlikuara për të përfituar. Diagnoza është e mjaftueshme për të marrë shumën e garantuar.

Për kë është ky sigurim?

• Për çdo individ të rritur, deri në moshën 80-vjeçare
• Për familjarët tuaj në Kosovë, edhe nëse ju ndodheni jashtë vendit
• Për prindërit apo të afërmit që dëshironi t’i ndihmoni nga larg

Ky produkt është ideal për bashkatdhetarët në diasporë, që edhe pse fizikisht larg, duan të ofrojnë kujdes të vazhdueshëm për njerëzit që duan më shumë. Me një çmim fiks, në të njëjtën policë përfshihen edhe fëmijët nën 21 vjeç, pa pagesë shtesë.

Mbulim global dhe fleksibilitet i plotë

Një tjetër përparësi e sigurimit Jetë + Dëmshpërblim është se ai mbulon të gjithë botën. Kjo do të thotë që pa marrë parasysh vendndodhjen tuaj apo të të siguruarit, benefitet vlejnë njësoj.

Kjo ju jep qetësinë për të lëvizur lirshëm, për të ndihmuar të afërmit tuaj apo për të planifikuar të ardhmen me më shumë siguri.

Pse duhet të investoni në këtë sigurim?

• Sepse diagnozat nuk paralajmërojnë
• Sepse trajtimet cilësore janë të kushtueshme
• Sepse një ndihmë financiare në momentin e duhur mund të bëjë ndryshim jetik
• Sepse kujdesi ndaj të afërmve nuk njeh kufij

Ky sigurim nuk është thjesht një policë në letër – është një akt dashurie, një garanci që nëse ndodh më e keqja, nuk do të jeni vetëm.

Sigal Kosova, jetojmë më mire së bashku.